今日想同大家由鹿颈行到谷埔,呢条路线好行又多睇,短短行程都令人好满足,全程几乎都非常平坦,只有少少梯级,老少咸宜。
首先系粉岭港铁站C出口乘搭56K小巴,系鹿颈总站落车。落车就见到有食野地方,附近都 洗手间。 向新娘潭路沿海边行,系分叉口拣左边路前往凤坑及谷埔。 沿路一路风景开扬,沿沙头角海一路行,仲可以感受悠闲乡村气息。
中途仲见到一大排红树林,我地原路离开时候,仲遇上退潮,同桥咀洲一样,呢度都有连岛沙洲地貌,非常特别!
凰坑村一排村屋、附近破旧建筑物同传统庙宇都是摄影爱好者最爱, 呢度仲有盈佳茶座,大家玩到可以系度休息一下。
再向前行有个小码头,仲有个白色小灯塔,好Instagramable,系度影相呃Like度一流!
沿路背山靠海,对面就系深圳。 跟住路牌指示继续向谷埔进发,全程都好轻松,置身大自然真系好舒服,可以好好地放松。
难易度∶
全程都好轻松,大多都系平路,老少咸宜。
打卡度∶
一次过可以饱唔同景色,山景、海景,仲有好多打卡主题。
设施完善度∶
指示好清晰,沿途有洗手间,茶座,小食亭,非常方便。
鹿颈至谷埔沿途有山有水,仲有村景、废墟、码头、灯塔,重点系中途有补给同洗手间,唔需要太多准备,天气好就可以出发。
Tags: Homita郊游习作
如果你都想分享你美容、时尚、旅行、运动心得,请将投稿文章连同不多於100字个人简介同埋近照一张,电邮到∶ editor@homita.com.hk,文章经小编筛选後更有机会刊登我FB专页,一经入选我会支付相应稿酬,仲唔快来投稿?
Author Information
You May Also Like
郊 Landscape | by Y小编 | 6 years ago
郊 Landscape | by Y小编 | 4 years ago
郊 Landscape | by Y小编 | 5 years ago
郊 Landscape | by Y小编 | 5 years ago
郊 Landscape | by Y小编 | 5 years ago